كشف الفنان كريم فهمي عن معاناته من “اضطراب فرط الحركة”، مؤكدًا أن النجمة ياسمين عبد العزيز تعاني من نفس الأضطراب، كما أعرب عن حبه الشديد لها كاشفًا عن أهم مميزاتها وعيوبها، كما تحدث عن مخاوفه من مشاركة ياسمين مجددًا في مسلسلها الرمضاني “وتقابل حبيب”.
حيث قال فهمي: “ياسمين عبد العزيز كاريزما ماشية على الأرض، وأحنا علاقتنا غريبة على الرغم من أننا أصحاب جدًا بس طول الوقت ناقر ونقير، ودائماً خلافتنا بتكون خلافات أصدقاء، فأحيانا في التصوير بنبقى زعلانين من بعض وممكن نظل أسبوع كامل لا نتحدث فقط مجرد سلام، وأحيانًا بنهزر، محدش فاهمنا”.
وتابع كريم فهمي:”من أحلى الحاجات في ياسمين عبد العزيز أنها جدعة و بـ 100 راجل، صاحبة صاحبها، وهي كل حاجة وعكسها، بمعني أنها طفلة ولكن شخصيتها قوية، هي عنيدة جدًا ولكن تحب عندها وتضحك بيه، هي استثنائية نسخة واحدة فقط، وأنا بحبها جدًا، فعيوبها هي مميزاتها والعكس، فلابد أن تتمتع بالحكمة طول الوقت لأنك تتعامل مع طفلة ولكنها لذيذة”.
وأكد كريم فهمي: “ياسمين مثلي تعاني من اضطراب في فرط الحركة وتشتيت الانتباه، ممكن لو حضرتك بتكلميها في موضوع، غصب عنها ممكن دماغها تروح حتة تانية، وأنا كدا، فلابد أني أرجعها للموضوع تاني، هي برضه عندها فرط حركة رهيب، مبنعرفش نركز غير في اللي بنحبه، لو بنعمل حاجة بنحبها بنعملها على أكمل وجه”.
وقد فاجأ كريم جمهوره بإصابته بمتلازمة “ADHD”، مؤكدًا اكتشافه المرض من خلال ابنته قائلًا: “أنا اكتشفت إني عندي ADHD بالصدفة لما بنتي كانت بتعاني من قلة تركيز، رحت أطمن عليها عند دكتورة، فقالتلي: على فكرة حضرتك كمان عندك ADHD، لما الدكتورة فاجئتني بالتشخيص رجعت فلاش باك، فاكر وأنا صغير كنت قاعد في الفصل والمدرس بيشرح، بحس كأن ستارة نزلت قدامي ماكنتش بركز، زي جملة هو ذكي لو ركز”.